नेवा संगठन ,अमेरिकाको स्वस्थानीव्रत समापन

विजय थापा 

भर्जिनिया अमेरिका ,फेब्रुअरी २४ ,२०१३ का दिन वाशिंगटन डिसी महानगर क्षेत्रको , बाल्टिमोर हिन्दु मन्दिरमा नेवाः अर्गनाइजेसन अफ अमेरिका ( नेपा संगठन ,अमेरिका ) को तत्वाधानमा विधिवत रुपमा स्वस्थानी ब्रतको समापन समारोहको आयोजना भब्यताको साथ सम्पन्न गर्यो l 

उक्त समापन समारोहमा डिसी महानगर क्षेत्रमा बसोबास गर्नु हुने तमाम श्रदालु भक्तहरुको बृहत उपस्थिति रहेको थियो l  अमेरिकामा नेवार समुदायका प्रख्यात पण्डित बासाव  राजोपाध्याय द्वारा उक्त धार्मिक उत्सव अमेरिकामा दोश्रो पटक सालिनी नदि साँखुमा गरे जस्तै परम्परागत रुपमा गर्नु भएको थियो l सबै श्रदालु भक्तजनहरु यस साङ्गेमा नेपालमा पुगेको अनुभूति गरेका थिए l यस धार्मिक उत्सब नेवा संगठन ,अमेरिकाका अधक्ष्य सिजन श्रेष्ठको पहलमा गरिएको थियो भने यो संगठन अमेरिकाको डिसी क्षेत्रमा अमेरिकी सरकारको कानुन बमोजिम गैर मुनाफा संस्थाको रुपमा दर्ता भएको छ l

नेपालको परम्परा ,संस्कृति आदि ईत्यादीको प्रबर्धन र सम्बर्धन गर्न यो संस्था स्थापना काल देखि नै अत्यन्तै क्रियासिल रहेको छ भने बिगतमा नेपाल सम्बत ,इन्द्र जात्रा ,बेल बिबाह ,लाखे नांच र अन्य संस्कृतिलाई जोगाउन कार्यक्रमहरु पस्कि सकेको छ l यो संस्था डिसी महानगर क्षेत्रमा १२ बर्ष देखि अनवरत रुपमा समाज सेवा गर्दै र समुदायमा पृथक पहिचान बनाउन सफल भएको छ l