भीमेश्वरमा पसिना आउँदा कहिले के भयो ? (फोटो फिचरसहित)

दोलखा, पुस १ - मन्दिर र देवताहरुको प्राचीन सहर दोलखा बजारको उत्तरमा अवस्थित भीमेश्वरको शीलामा आइतबार अपरान्ह 'पसिना' आएपछि दर्शनार्थीहरुको घुइचो लाग्यो ।

शीलाको चारैतिरबाट पानीका थोपाहरु निस्कदै झर्दै गरेपछि परम्परा अनुसार मन्दिरका घण्टाहरु बजाउन थालियो भने दोलखाका नेवार समुदायले विभिन्न पर्वमा बजाइने बाजाहरु बजाउन थालियो । पानीको थोपा आउने र झर्ने अवस्थालाई 'पसिना आएको' ठानेर शीलालाई चम्मरले हम्कदै कपासका टुक्राले पसिना पुछ्न थालियो । मन्दिरका पुजारी काशिनारायण श्रेष्ठले राजपुजा सक्ने वित्तिकै करिब साढे तीन बजे शीलाको रंग फुस्रो भएर चिल्लो कालो हुदै पसिना आएको दृष्य देखेपछि कपासले पुछिदिन थाले । उक्त प्रकृया करिब ५ बजेसम्म भैरहदा हजारौ दर्शनार्थीले मन्दिरको दर्शन गरे । 

देशमा अनिष्ट वा परिवर्तनका पूर्व संकेतस्वरुप पसिना आउने विश्वास राख्ने स्थानीयले पसिना पुछिएको कपासलाई राजाको शासनका बेला राजदरबार र प्रजातन्त्र प्राप्तिपछि राष्ट्र प्रमुखहरुलाई पठाउने गरेका छन् । '२०६४ मा पसिना आउदा प्रधानमन्त्री गिरीजाप्रसाद कोइराला पठाइएको र यसपाला राष्ट्रपतिलाई पठाउने निधो भयो,' स्थानीय टिकानारायण प्रधानले बताए । स्थानीय भगवानदाश श्रेष्ठका अनुसार पसिना आएपछि तत्कालीन राजदरबारको चासो हुन्थ्यो र कपास प्राप्त भएपछि 'क्षेमापूजा' गर्नका लागि खर्च पठाउने चलन थियो । पछि पनि जसलाई कपास पठायो उसैले स्थानीय प्रशासनको अगुवाइमा क्षेमा पूजा गरिने चलन छ ।

 दोलखा बजारका धर्म, संस्कृति र इतिहासको अध्ययन गर्दै रहेका शान्तकृष्ण श्रेष्ठका अनुसार करिब १९९० सालदेखि यता भीमेश्वरमा आएको पसिनाबारे जानकारी राखेका छन् । उनका अनुसार जब पसिना आउन थाल्छ, भीमेश्वरको कालो शीला खैरो हुदै जान्छ । त्यसपछि क्रमिक रुपमा शीलाको माथिल्लो भागमा पानीका थोपाहरु देखिदै र्झन थाल्छन् । यो दृष्य प्रकट हुनेवित्तिकै घण्टाहरु बजाएर सर्वसाधरणलाई जानकारी गराइन्छ । घण्टाको आवाज गञ्जनेवित्तिकै मानिसहरु दर्शन गर्न र कपासका टुक्रा लिन घुइचो लाग्छ । यो पटक पनि साझसम्म कपास लिन पर्खेका दर्शनार्थीलाई प्रहरीको साहयताले कपास बाँडिएको थियो । मन्दिरमा भेला भएका दर्शनार्थीले धुप बालेर पसिना नरोकिएसम्म प्रथाना गरिरहे । कतिपयले आफैले ल्याएको घण्टी बजाइरहेका थिए ।

शिलामा पसिना आएपछि पुछिएका कपासलाई साँझ नै प्रतिक्षरत दर्शनार्थीलाई बाँडियो भने बाँकी कपास स्थानीय प्रशासनलाई बुझाइने भीमेश्वर मन्दिर व्यवस्थापन समिति कोषाध्यक्ष भरत श्रेष्ठले बताए । प्रमुख जिल्ला अधिकारी प्रल्हाद पोखरेलले प्राप्त कपासलाई स्थानीयको निर्णय अनुसार राष्ट्रपति कार्यालयमा पठाइने बताए ।

भीमेश्वरमा शीलामा 'पसिना' आएको साल    पसिना आएपछि भएको  घटना

विक्रम सम्बत् १९९० महा भुकम्प

विक्रम सम्बत् १९९७ शहीदलाई फँसी

विक्रम सम्बत् २००७ प्रजातन्त्रका लागि क्रान्ति

विक्रम सम्बत् २०११ राजा त्रिभुवनको मृत्यु

विक्रम सम्बत् २०१५ राजनीतिक उतारचढाव

विक्रम सम्बत् २०१८ भीषण बाढी पहिरो

विक्रम सम्बत् २०२८ राजा महेन्द्रको मृत्यु

विक्रम सम्बत् २०३६ जनमत संग्रह

विक्रम सम्बत् २०४५ भूकम्प र दोलखामा पहिरोको ठूलो घटना

विक्रम सम्बत् २०४६ बहुदल प्राप्ति

विक्रम सम्बत् २०५८ को माघ १ गते र पुष ३ गते दुईपटक राजपरिवार हत्या

विक्रम सम्बत् २०६४ संविधानसभा निर्वाचन

(नोटः अनुसन्धानको पर्खाइमा दोलखा पुस्तक र स्थानीय बुढापाकाहरुको भनाईमा आधारित)

दूतवासका कर्मचारी कुवेतमा पक्राउ

काठमाडौं-  २ पुष, दूतावासका दुई कर्मचारीसहित तीन नेपालीलाई स्थानीय प्रहरीले पक्राउ गरेपछि कुवेतस्थित नेपाली दूतावासले मानहानि भएको भन्दै त्यहाँको सरकारलाई विरोधपत्र बुझाएको छ।

प्रहरीले स्थानीय समयअनुसार शनिबार साँझ ७ बजे नेपाली दूतावासमा स्थानीय कर्मचारीको रूपमा कार्यरत राजु क्षेत्री तथा स्वराज अहमद र क्षेत्रीकी पत्नीलाई पक्राउ गरेको थियो। दूतावासको पहलमा दुवै कर्मचारी रिहा भइसकेका छन् भने क्षेत्रीकी पत्नी प्रहरी नियन्त्रणमै छिन्। कर्मचारी पक्राउ परेको तेस्रो दिनसम्म घटना गुपचुप नै राखिएको थियो।

प्रहरीले बिनाजानकारी कर्मचारी पक्राउ गरेपछि दूतावासले सोमबार कुवेतको विदेश मन्त्रालयलाई विरोधपत्र बुझाएको हो। 'हाम्रो मानहानि भयो भनेर कुवेतको विदेश मन्त्रालयलाई प्रोटेस्ट लेटर (विरोधपत्र) बुझाएका छौं,' कुवेतका लागि नेपाली राजदूत मधुवन पौडेलले टेलिफोनमा नागरिकसँग भने, 'कुवेतको विदेश मन्त्रालयले नहुनुपर्ने भयो भनेर मौखिक रूपमा क्षमयाचना गरेको छ। यसलाई सकेसम्म छिटो कूटनीतिक तहबाट समाधान गर्न हामीले भनेका छौं।'

राजदूत पौडेलले कर्मचारीकी पत्नीको मुद्दा–मामिला भएकाले रिहा गर्न नसकिएको जानकारी दिए। उनलाई मंगलबार रिहा गर्ने सम्भावना भएको पौडेलको भनाइ छ।

राजदूत पौडेलका अनुसार उनी एक ब्युटी पार्लरमा काम गर्थिन्। नेपालबाट '१८ नम्बर भिसा'मा गएकी उनले ब्युटी पार्लरमा काम गरेको तीन वर्ष पूरा भइसकेको थियो। कुवेती कानुनअनुसार १८ नम्बर भिसामा जाने कामदारले तीन वर्षपछि स्वेच्छाले रोजगार तथा मालिक फेर्न पाउँछन्। ती महिलाले पनि अर्को ब्युटी पार्लरबाट राम्रो 'अफर' आएपछि पुरानो ठाउँको काम छाडेकी थिइन्।

कुवेतमा छिर्नेबित्तिकै प्रायः कामदारको राहदानी रोजगारदाता(मालिक)ले लिने गर्छन्। उनीहरूको करार अवधि सकिएपछि मात्र मालिकले राहदानी फिर्ता गर्ने अभ्यास छ। राहदानी फिर्ता नभएसम्म अर्को ठाउँमा काम गर्न पाइँदैन। बिनाराहदानी काम सुरु गरे अवैध हुन्छ। अर्को ठाउँमा जान ती महिलाले मालिकसँग आफ्नो राहदानी फिर्ता मागेकी थिइन्।

धनाढ्य मालिकले राहदानी फिर्ता नगरेपछि गत नोभेम्बरमा उनले त्यहाँको अदालतमा 'राहदानी फिर्ता गराइपाऊँ' भनेर उजुरी दिएकी थिइन्। अदालतले उनको मालिकलाई राहदानीसहित आउन भनिसकेको थियो। यहीबीच मालिकले शनिबार साँझ उनलाई राहदानी लिन बोलाएका थिए। कुवेती कानुनअनुसार बिनाअनुमति कसैको घरमा प्रवेश गर्न पाइँदैन।

राहदानी लिन जाँदा ती महिलाले नेपाली दूतावासमा कार्यरत आफ्ना पति राजु र अर्का कर्मचारी अहमद पनि सँगै लगेकी थिइन्। कम्पाउन्डभित्र छिर्नेबित्तिकै मालिकले प्रहरीको गुप्तचरी निकायमा खबर गरी उनीहरूलाई बुझाइदिए। त्यसपछि क्षेत्री र अहमदले दूतावासमा फोन गरेर जानकारी गराएका थिए। दूतावासका प्रथम सचिव विशाल भट्टराईले प्रहरी स्टेसन पुगेर तीन घन्टापछि क्षेत्री र अहमदलाई रिहा गराएका थिए।

'प्रहरीलाई जबर्जस्ती धकेलेको आरोप क्षेत्री र अहमदमाथि लगाइएको छ,' राजदूत पौडेलले भने, 'कूटनीतिक तहबाट हामी समाधान खोज्दैछौं।' आफ्ना कर्मचारी पक्राउ परेको तेस्रो दिनसम्म कुवेतका सरकारबाट कुनै प्रतिक्रिया नआएपछि दूतावासका कर्मचारी विरोधपत्र लिएर कुवेतको विदेश मन्त्रालय पुगेका थिए।

नेपालमा ६ रेक्टर स्केलको भूकम्प

 

काठमाडौं, भाद्र १५ - काठमाडौंमा शुक्रबार राति ११ बजेर ३३ मिनेटमा भूकम्पको धक्का महसुस भएको छ । करिव पाँच सेकेन्डभित्र दुई पटक जमिन हल्लिएको थियो । पुनः ८ मिनेपछि भूकम्पको धक्का महसुस गरिएको थियो । 

राष्ट्रिय भूकम्प मापन केन्द्रका निर्देशक डा. सोमनाथ सापकोटाका अनुसार ६ रेक्टर स्केलको भूकम्प गएको हो । उनका अनुसार दोलखाको जिरीदेखि ८०–८५ किलोमिटर उत्तर केन्द्रविन्दु भएर भूकम्प गएको हो ।

सापकोटाले चीनको तिब्बतस्थित छोङ्दुई केन्द्र भएर भूकम्प गएको अमेरिकन जिओलोजिकल सेन्टरको 

                                                                            भूकम्पको केन्द्रविन्दू तिब्बतको न्यालम क्षेत्रमा देखिएको छ। 

रिपोर्टलाई अस्वीकार गरे । उनले ४ सय किलो मिटर टाढा केन्द्र हुँदा यति ठूलो धक्का महसुस हुन नसक्ने दाबी गरे । ‘अमेरिकन जिओलोजिकल सेन्टरको कुनै भूकम्प मापन कार्यालय तिब्बत क्षेत्रमा छैन,’ उनले भने, ‘त्यो तथ्य गलत हो ।’

भूकम्पको धक्का काठमाडौंसहित ललितपुर, काभ्रे, नुवाकोटसहितका जिल्लामा पनि महसुस गरिएको छ । 

भूकम्पको धक्का महसुस हुनेवित्तिकै राजधानीमा सर्वसाधारण घर बाहिर निस्किए । पुनः भूकम्प आउने त्रासले राति अबेरसम्म पनि सर्वसाधारण घर बाहिरै हल्लाखल्ला गरेर बसेको देखिएको छ ।

२०६८ साल असोग १ गते ताप्लेजुङ केन्द्र भएर गएको ६ दशमलव ९ रेक्टर स्केलको भूकम्पमा कम्तिमा ६ जनाको ज्यान गएको थियो ।

काठमाडौंको खरीबोटमा भूकम्प आएपछि आत्तिएर घरबाट हामफाल्दा एकजना घाइते भएका छन् ।धनगढी घर भई नयाँ बानेश्वरको ठूलो खरिबोट नजिक बस्दै आएका संजिव भट्टराई छतबाट हाम फाल्दा घाइते भएको महानगरी प्रहरी आयुक्तको कार्यालयका प्रवक्ता एसएसपी हेमन्त पालले बताए । उनले यस बाहेक उपत्यकामा कुनै धनजनको क्षति भएको रिपोर्ट नआएको जानकारी दिए ।

छुट्टै एन आर एन गठनकालागि गोप्य बैठक, २५ देशमा अलग्गै गठन हुने

गैह्र आवाशिय नेपाली संघ (एन आर एन ए) अब विश्वब्यापि रुपमै फुट्ने निश्चित जस्तै बनेको छ । अब छुट्टै एन आर एन गठन हुँदै छ । त्यसको लागि केहि गोप्य बैठक भएका छन् । बैठकहरु स्काईपमा गरिएको छ । एन आर एनको अन्तर्राष्ट्रिय सम्मेलन यहि अक्टोबर महिनामा काठमाडौंमा हुन लाग्दा छुट्टै एन आर एन गठनकालागिपनि तिब्र भएको हो । खासगरि बर्तमान एन आर एन ले बिदेशका नेपालीको हक र हितलाई सुरक्षित गर्न नसकेको । आर्थिक अनियमितता गरेको । बिदेशका नेपालीको हकलाई भन्दा राजनितिलाइ बढि प्राथमिकता दिएको । आदिबासी जनजाति, अछुत, मधेशी र अन्य पछाडी परेका वर्ग, महिलाहरुलाई बेवास्ता गरेकाले त्यसलाई टक्कार दिँदै अर्को एन आर एन गठन गर्न लागिएको हो ।

छुट्टै एन आर एन गठनकलागि अस्ति बुधाबारपनि स्काईप बैठक बसेको थियो । त्यसमा करिब २५ जना सहभागि थिए । पहिले एन आर एन अन्तर्राष्ट्रिय समिति गठन गरिहाल्ने कि रष्ट्रिय एन आर एन हरु (देश देशका एन आर एन कमिटी) गठन गर्ने भन्ने बैठकमा छलफलहरु भएका छन् । तर्कहरु बिभिन्न तरिकाले गरिएको छ । केहिले अन्तर्राष्ट्रिय कमिटी गठन गरेर राष्ट्रिय कमिटीहरु गठन गर्नुपर्ने तर्क गरेका छन् भने केहिले जुन जुन देशमा एन आर एनको समस्या बढि देखिएको छ, अलग्गै एन आर एनको अलगि तयार देखिएका छन् त्यहाँ तत्कालै गठन गर्ने र फैलाउँदै लगेर पछि अन्तर्राष्ट्रिय कमिटि गठन गर्नुपर्ने तर्क गरेका छन् । 

अहिलेसमम भएको छलफलमा नाम यहि राख्ने भन्ने टुंगो लागेको छैन । फरक फरक सहभागिले नामका विषयमा अनेक प्रस्ताब गरेका छन् । तर भेलामा जुन जुन देशमा संभव छ तत्कालै अलग्गै एन आर एन गठन गर्नुपर्ने विषयमा अधिकांश सहभागि सहमत देखिएका छन् । अब जर्मनी, बेलायत, अष्ट्रेलिया, पोर्चुगल, बेल्जियम, ईटाली, स्पेन, अमेरिका, जापान लगायतका देशमा तत्कालै गठन गर्ने बताइएको छ । बेलायत, पोर्चुगल, बेल्जियम, कोरिया, कतार, जर्मनीमा भित्रि रुपमा समिति गठन भैसकेको छ । बेलायतमा महेन्द्र कँडेलको नेत्रित्वमा समाबेशी एन आर एन गथन गरेर तयार पारिएको छ । जर्मनीमा त्यहि अवस्था छ । जर्मनीको त झन बिभिन्न शहरमै एन अर एनका प्रतिनिधी चानिसकिएको छ र केहि ठाउँमा नामहरु संकलन हुँदै छ । अहिले तत्कालै २५ देशमा गठन गर्न संभव भएको आँकलन गरिएको छ । 

यसरि हुँदै छ नेत्रित्व

सहभागिहरुले नेत्रित्वमा मारापिट, तानातान र समाबेशी नगराउनुनै अहिलेको बिबादको एक मुख्य कारण रहेको मूल्यांकन गरेका छन् । त्यसैले नयाँ एन आर एनको नेत्रित्व र कार्य समितिलाई समाबेशी बनाउनुपर्ने चर्को आवाज उठेको छ । त्यसैमा ग्रिहकार्य गरिने भेलामा सहभागिले नेपालप्लसलाई बताएका छन् । उनीहरुले जर्मनी र बेलायतबाट समाबेशी सामनान्तर एन आर एन गठन हुने बताएका छन् । त्यो समाबेशी एन आर एनको ढाँचा यस्तो हुने छ ।

पहिलो कार्यकाल

अध्यक्ष : जनजातीबाट

उपाध्यक्ष : दलितबाट

महासचिब : बाहुन-क्षेत्रिबाट

दोश्रो कार्यकाल

अध्यक्ष : बाहुन-क्षेत्रिबाट

उपाध्यक्ष : जनजातीबाट

महासचिब : दलितबाट

तेश्रो कार्यकाल

अध्यक्ष : दलितबाट

उपाध्यक्ष : बाहुन-क्षेत्रिबाट

महासचिब : जनजातीबाट

बिदेशमा मधेशीहरुको उपस्थिति न्यून रहेको अवस्था भएपनि सकेसम्म मधेशी लगायत अल्प-संख्यकहरुको समावेशितालाई मध्य-नजरमा राखिने छ । सकेसम्म सबै जातजाति, समूदाय र महिलाबाट प्रतिनिधित्व गराइने छ । राजनितिक दलमा लागेपनि स्पष्ठ, ईमान्दार र कसैको पक्ष बिपक्षमा नलागेकाले पछादि परेका, हेपिएका, कारवाही गरिएका सक्षमलाई कुनै न कुनै भूमिकामा ल्याएर सम्मानितसाथ राख्ने योजनापनि बनाएका छन् । अहिले कतिपय देशका एन आर एनमा ब्यापक भ्रस्टाचार, अनियमितता र पारदर्शी काम भएकाले त्यसलाई कडाईकासाथ पारदर्शी गरिने बताइएको छ ।

तर समाबेशी समूहमा सकेसम्म अक्टोबरमा हुने एन आर एन अन्तर्राष्ट्रिय सम्मेलनमापनि आफ्नो तर्फबाट बलियो उमेदवारि दिएर बिजयीहुनुपर्छ भन्ने तर्क गर्नेपनि छन् । केहिले त्यहि दिन समाबेशी समूहको अर्को एन आर एन गठन गर्नुपर्छ पनि भनेका छन् । केहिले भने अहिलेनै तत्कालै अन्तर्राष्ट्रिय कमिटि गठन गरेर राष्ट्रिय समितिहरु गठन गरि अक्टोबरमै भेला गर्नुपर्ने तर्क गर्नेहरुपनि छन् ।  तर न्युनतम सहमती केमा छ भने अहिले संभव भएका अकरिब २५ देशमा तत्कालै नयाँ गठन गर्ने । तिनको भेला गरिहाल्ने । नयाँ समितिले एन आर एनको अर्कमण्ड्यताकै कारण एन आर एन दर्ता हुन नसकेको भन्दै नयाँ एन आर एनलाई छिटो दर्ता दर्ता गरेर आधिकारिता लिनुपर्ने आवाज पनि उठेको छ । 

नेत्रित्व कसले गर्ने ?

नयाँ अन्तर्राष्ट्रिय समितिको नेत्रित्वमा धेरैले एन आर एन प्रमुख संरक्षक देवमान हिराचनलाई प्रस्ताव गर्नुपर्ने बताएका छन् । हिराचनलाई मनाउन सकिने धेरैको तर्क छ । यदि हिराचनले नमानेमा केहिले टेण्डि शेर्पालाई उठौअनु पर्ने तर्क गरेका छन् । त्यो नभए अन्य बिकल्प खोज्ने भनिएको छ 

श्रोत :नेपालप्लस डट कम 

बि टि आइ ट्रेडस मेन को भेला सम्पन्न

भूपति न्यौपाने यु ए ई दुबई 

यु ए ई गत सुक्रबारका दिन यु ए ई को सिन्ध पन्जाब रेस्टुरेन्टमा बि टि आइ ट्रेडर्स ले भेला आयोजना गरि कार्य समिति चयन को प्रक्रिया लाइ अगाडी बढाउदै भेला सम्पन्न गरेको छ .

नेपाल को बुटवल रुपन्देहीमा रहेको टेक्निकल इन्सिचुट बाट तालिम प्राप्त गरि रोजगारीको सिलसिलामा यु ए ई आएर काम गरि रहेका नेपाली दाजु भाइ हरुले टेक्निसियन हरु लाइ एकाबद्ध बनाउदै अगाडी बढ्न सजिलो होस् भन्ने हेतुले सस्थाको स्थापना गरेको थियो भने कार्यक्रम दुर्गासुत्पराई को सभापतिमा  सम्पन्न थियो भने प्रमुख अतिथि गणेश के सी थिए भने कार्यक्रम संचालन विकास बास्तोला ले गरेका थिए 

 कार्यक्रम मा सबै बक्ता हरुले आफ्नो मन्तब्य राखेका थिए भने टेक्निकल सिखेर आउने जो कसैलाई पनि सहयोग गरिने कुरा मा जोड दिदै यु ए ईमा रहेर पनि हामी माझ सम्पर्क मा आउन नसकेका नेपाली दाजु भाइ हरु लाइ सम्पर्क गर्ने भन्दै बिभिन्न बुदाहरुमा छलफल गर्दै आगामी दिन मा बृहत भेला गरि कार्य योजना बनाउने गरि सभापति बाट सभा बिसर्जन गरिएको थियो. 

एन आर एन बेलायतमा, भद्रगोल दुईवटा एनआरएन हुने

दधिराज घिमिरे 

रिडीङ्ग बेलायत ,१७ अगष्ट २०१३ .एनआरएन जननी भुमि बेलयत हो । अरु देसको एनआरएन भन्दा यो देसमा परिस्थिीहरु फरक छन । तहि फरक परीस्थिीतीमा संसारहरुका एन आर एनहरुमा असहजको परिस्थितीहरुको सामाना गरि रहेको अहिलेको परिस्थितीमा बेलायत पनि अछुतो रहन सकेन । आज अगष्ट १७ मा सदस्यस्ता फर्म भर्ने  अन्तिम दिन बेलायतको रेडीङ्गमा रहेको कार्यलयमा फर्म दर्ता गर्ने क्रममा देखिएको असहज परिस्थितीले र निर्वाचन आयोगले देखाएको गलत रबैयाले हो भन्ने बिषयमा बिवाद भएको हो । बिवादले दुई एन आर एन बनाउने सम्मको बिषयमा चर्को रुपमा उठेको थियो । दर्ता नभएका सदस्यहरुको भेलाले अर्को एनआरएन १५ सेप्टेम्वरकै दिन भेला गर्नु पर्छ भन्ने आवाज उठेको छ । सडकमा उठेको बिषयले साच्चै रुपधारणा गरेमा अर्को एनआरएनको जननी हुने मौका पनि बेलायतले पाउने छ । एघार हजार सदस्यहरुको फर्म कार्यलयको ढोकाबाट फिर्ता भई सदस्य हुनबाट बञ्चित हुनु भनेको सायद अन्य कुनै देसमा भएको छैन । यि सबै सदस्यहरुलाई बेवास्ता गरीयो भने सडकमा उठेका आवजले सांगठानिक रुप धारणा गर्ने छैन भन्न सकिदैन । यि सदस्यहरुको सदस्यता हुन पाउने अधिकारमा एनआरएनको अहिलेका कार्य समितीले आज निर्वाचन कार्यलय अगाडी जस्तै बेवास्ता गर्ने हो भने संपुर्ण बेलायत बासीले एनआरएनलाई बेवास्ता गर्ने परिस्थिती आउदैन भन्न सकिदैन । एन आर एनले बेलायतले बेलायतको समाजलाई बिभाजन गर्दै छ भन्ने सन्देस बेलायत तथा अन्य मुलुकका प्रवाशी नेपालीहरुमा पर्न सक्नेछ ।  जनतालाई सुचनाको हकवाट बञ्चित गर्ने जस्तो कार्यले बेलायत जस्तो मुलुकमा जनतालाई रैतिको स्थानमा देख्ने नेपाली सामन्ति प्रबृद्धीनै एनआरएन जस्तो प्रवाशी नेपालीहरुको साझा संगठन भित्र रहेकोले आउने दिनमा यो कार्यलाई ध्यान दिने कुरामा बेलायतबासी नेपालीहरुको माग रहेको पाईयो ।
 

बेलायतमा लगभग एक लाख भन्द बढिको सख्यांमा नेपालीहरु रहेको अनुमान गरीन्छ । अहिले सम्म एनआरएनमा जम्मा तिन हजारको हाराहारीमा मात्र सदस्यहरु रहेको थियो । बिगतको चुनावमा केहि हद सम्म मिलीजुलि गरेरनै एनआरएन बेलायतले आप्mनो परिचय दिएको थिायो तर यो पटका बिगतमा भएको संझौतालाई अहिलेको कार्य समितीलेनै उल्घंन गर्दै सहमतिय बातवरणलाई बिगारेको हो भन्ने बिषयमा बेलायतबासीहरुको गुनासो पाईन्छ । उमेद्धारको दर्ता नभईसकेको भए पनि बिभिन्न पार्टीको समर्थन र ति पार्टीका निर्णयबाट अहिले सम्म तिन जना अध्यक्षको उमेद्धवारी घोषणा गर्नु भएको थियो । चुनावी सरगर्मिसंगै सदस्यता बनाउने होडबाजी यसरी बढ्योकी दस पाउण्ड राखिएको सदस्यता सुल्कलाई निसुल्क भरियो  र अध्यक्षका प्रत्यासीहरुलेनै सदस्यता सुल्क तिर्ने कामहरु भयो । सदस्यता सोचें भन्दा यति धेरै भयोकी बिगतको तिनहजारको हारारीमा भएको सदस्य लगभग १७ हजारको हाराहरीमा पुग्ने अनुमान गरीयो । सदस्य सुल्क उमेद्धारहरुले तिर्ने प्रकृयाको जनस्तर देखीनै बिरोध रहन दगएको थियो । यहि प्रकृयागत तुर्टीनै एनआरएन बेलायतको बिवादको मुख्य चुरो थियो । किनकी पैसा नहुनेले एनआरएनको नेतृत्वको कल्पना भन्दा बाहिरको बिषय बन्दै जानु प्रवाशी नेपालीहरुको भावाना बिपरीत थियो जुन एनआरएन बेलायतले रोक्न सकेन । एक अध्यक्षको प्रत्यासीले जित्नकालागी थोरैमा पनि ६ हजारको हाराहारीमा सदस्य बनाउनु पर्ने र त्यसको लागी लगभग साट्ठी हजार पाउण्ड सदस्य सुल्क मात्रै लाग्ने हुनाले र अन्य खर्च जोड्दा लगभग एक लाख पाउण्डको हाराहारीमा खर्च हुने देखीन्छ । अव बेलायत एनआरएनमा पैसा हावी भयो भन्नेनै बेलायतबासी नेपालीहरुको मुख्य चिन्ता हो । एनआरएन बेलायतमा पैसा नभएका तर बुद्धी र बिबेक भएकाहरुले पनि स्थान पाउने बातवरण निर्माण हुनु पर्यो भन्ने बिषयको चिन्ता नै अहिलेको मुख्य चिन्ता हो । यसका साथै एनआरएन सबैको साझा भन्ने गरीन्छ तर ब्यावाहारमा ठिक उल्टो रहेको पाईयो किनकी आमुक संगठनका सदस्यहरुले यो संस्थालाई आप्mनो पक्कडमा राख्न खोज्नुले पनि बिवादले ठांउ पाएको भित्रि पाटो हो भन्न सकिन्छ । 

चुनावको सदस्यता भर्ने अन्तिम दिन बेलायतको रिडीङ्गमा  निर्वाचन कार्यलयमा लगभग दुई सयको हाराहारीमा उपस्थित नेपालीहरु सिमसिमे पानिमा भिजेरै भए पनि सदस्यताको लागी लाम बद्ध थिए । एक जनाले १०० फर्म भन्दा बढी दर्ता गर्न नपाउने नियम निर्वाचन आयोगले बनाएको थियो । लगभग ५० जनाको हाराहारीमा फर्महरु लिएर उभिएका थिए भने एक जना दाजुले लौ न मलाई १५ जाना चाहियो १५ सय फर्म छ भनेर खोज्दै हुनुहुन्थ्यो । यसरी एउटा उत्साहा जस्तै देखीने गरी कामहरु अगाडी बढेको देखीनथ्यो । म आफु अध्यक्षको प्रत्यसी संगै अलि बढी केन्द्रित थिएं । उहाहरु मध्य दुई जना प्रत्यसीहरुलाई मैले पुरै समय चिन्तित रहेको पाएं । यो चिन्ता कि त एकता गर्ने भन्ने बिषयमा छ कि त आर्थिक सवालमा छ भन्नेमानै लाग्यो । तर एकाएक अध्यक्षको प्रत्यासी महेन्द्र कंडेलले कार्यलयबाट निस्कदै निर्वाचन आयोगलाई भरोसा गर्न सक्ने कुनै पनि आधार देखीएन भन्दै निस्कनु भयो । फर्म बुझाउन लाईनमा बस्ने संपुर्णले फर्म फिर्ता दिए । फर्म महेन्द्र कंडेल र सुर्य नेमाङ्गले फिर्ता लिनु भएको थियो । यसरी यो दुबै जनाले फर्म दर्ता कार्यक्रम नै आफुहरुको तर्फबाट स्थगित गरेको जानकारी दिनु भएको थियो । यि दुबै जना अध्यक्षको प्रत्यसीहरुले एघार हजार सदस्यले सदस्यता फर्म भर्न बहिस्कार गरेको जानकारी दिनु भएको थियो ।

के भन्छन त तिनै जना अध्यक्षका प्रत्यासिहरु

योगेन बाहादुर क्षेत्रि

“मेरो मुख्य बिषय भनेको मिलेर जाउं भन्नेनै नै हो । साथिहरुले फर्म बुझाउनु होस म सहमतिकोलागी बार्ता गर्न तयार छु भन्नु भयो ।” लाग्दथ्यो उहा साच्चैने एनआरएन बिवाद रहित रहोस भन्नेमा निकै चिन्तित हुनुहुन्थ्यो । जुन संभावाना भन्दा बाहीर पुगि सकेको करिव निश्चित छ ।

महेन्द्र कंडेल

“सहमतिको बिषयमा कुरा गर्दा बेलायतका हरेक नेपालीलाई एउटा बिषयमा मात्रै के थाहा छ भने गएको कार्यकालमा सहमतिकालागी कस्ले कती गर्यो भन्नेनै मुख्य हो । मैले एन आर एनलाई सहमतीकोलागी गरेको योगदानलाई एनआरएनको मुख्य मर्म हो भनेर बुझ्न नसक्नुनै सहमतिको बाधक हो । अहिलेको बिवाद भनेको निर्वाचन आयोगनै आफुलाई हाराउनकोलागी परेको प्रमाण र तथ्यहरु रहेकोले बेलैमा सचेत हुदैं आयोगको बिस्तार गर्दै सबैको बिश्वासको बातवरण बनाउनको लागी आफुले माग गरे पनि यो बिषयमा छलफलनै गर्न नखोज्नुनै मुख्य प्रमाण रहेको बताउनु भयो ।” 

सुर्य नेमाङ्ग

“सहमती भन्दा पनि एनआरएन बेलायतको लिने नितीको बिषय मुख्य हो । सदस्य बनाउने बिधिमा मन परेको छैन । पैसा हुनेले मात्र चुनावमा जाने प्रकृया गलत छ । एनआरएन बेलायत दुई वटा बन्ने छ हामी त्यही प्रकृायामा जानेछौं । ”

आज बेलायतमा बाहिर भाषणहरु भए बहिस्कार गर्नेहरुले आफुहरु सगं एघार हजार सदस्य रहेको र एघार हजार सदस्यले सदस्य भर्नबाट बाहीरीएको जानकारी दिदै गाडीहरुमा फर्महरु देखाउदै थिए । तर भित्र के भएको छ पत्रकारको हैसियतले जानकारी पांउ भन्दा भित्र जाने अनुमति दिईएन । फर्म भर्ने समय सकियो भनेर भनियो तर कति फर्म दर्ता भए भनेर भनिएन यो प्रकृयाले निर्वाचन स्वछ नहुनेनै रहेछ भन्ने जनायो । त्याहां तेत्रो बिवाद भएको छ एनआरएन बेलायतका सदस्यहरुले मिलाउने कुनै पहल गरेको पाईएन । बिवाद भयो त सामाधान गर्नको लागी कमसेकम पहल हुनु पर्छ । एकआर्कालाई हिलो छ्याप्ने प्रबृद्धीले बेलायतमा प्रसस्त ठाउं ओगोटेको पाईयो । बेलायतमा नेपालीहरुको चिन्ता भनेको एन आर एन बेलायत साझा संगठन होस मात्र केहि पार्टीको कठपुतली नबनोस भन्ने रहेको छ । यो बेलयतबासीको चिन्तालाई कसरी लिने छ भन्ने बिषयमा अहिलेको बिवादलाई सामाधान गर्ने बिधीमा भर पर्ने छ । यदि दुई एन आर एन बेलायत बिभाजित भयो भने कुनलाई आधिकारीक एनआरएन मान्ने अन्योल छ । किनकी एउटा पक्षसगं चार पांच हजार सदस्यता छ भने अर्को पक्षसगं दश एघार हजार सदस्य छ भन्ने दावी रहेको छ । यो दुई दावीलाई एकता गर्ने दुरदर्शिता अहिलेको कार्य समितीमा छ की छैन मुख्य चुनौति बनेको छ । 

( समाचार स्थलगत रिपोर्ट तथा बिश्लेषक क्रान्तिकारी पत्रकार संघ,यूरोपका संयोजक हुनुहुन्छ ) 

के भएको थियो बेलायत एनआरएन बेलायतमा भिडीयो हेर्नु होला