तिमी नै तिमी छौ मेरो सेरोफेरो

प्रवासी जीवनलाई विट मार्दै नेपालमै संघर्ष गर्छु भन्ने संकल्प गरेर स्वदेश फर्केका प्रकाश ढकाल ‘अञ्जान’ मोडलिङको क्षेत्रमा झुल्किएका छन् । प्रवासी बसाईमा सामाजिक कार्यमा समेत निकै सक्रिय अञ्जानले आफ्नो जीवनको गोरेटो नयाँ क्षेत्रमा परीक्षण गर्दैछन् । कला र सक्रिय कदमलाई केहीले पनि रोक्न सक्दैन । अञ्जानभित्र लुकेर रहेको त्यही कला र सक्रियता अब छल्किन थालेको छ । हेरौं, राजेन्द्र कँडेलको शब्द–सिर्जना, राजेन्द्र कँडेल र देवी घर्ती मगरको स्वरमा बि.के. रोल्पालीद्वारा संगीतवद्ध यो लोकदोहरी गीतमा प्रकाश ढकाल ‘अञ्जान’ र रुपा कँडेलको अभिनय ।

जिन्दगीको गोरेटोमा ..raj aparichit jeewan

राज अपरिचित जीवन 

मन मा कुरा खेलिरहेका थिय अनि कुरा हरु  बीच नै संघर्स परिरहेको थियो मन अस्थिर नै  थियो   कल्पना को त्यो  अर्धनग्न सरिर मेरो मस्तिस्क मा नराम्रो झट्का हानिरहेको थियो समाज मा चल्ने हल्ला हरु अनि कल्पना को सोचाइ मा पर्ने दुबिदा हरु मेरो मस्तिस्क मा बाण  झैँ घोपिदै थिय अनि प्रिती प्रति को प्रेम को पाराकास्टले कल्पना र मा बीच अर्को एउटा सम्बन्ध पैदा गर्दिएको थियो . . ? सामाजिक परिबेस मा मैले कल्पना लाइ जसरि पनि स्विकार्नु पर्ने थियो  भोलिका दिल मा कल्पना माथि आइपर्ने ति बाण  रुपी सब्द अनि मा प्रति जाग्ने घृणा बाट मैले कल्पना लाइ अपनाउनु पर्ने  थियो अझ प्रिती को याद मा बेहोसी भैसकेको मा भोलि थुप्रै कल्पना हरु मेरो पागल पन को सिकार हुने खतरा थियो दिमाग मा यिनै  प्रस्न हरु बादबिबाद खेलिरहेका थिय  तेतिकै मा निदाएछु l    मोबाइल को रिङ्ग्टोन सगै निन्द्रा खुल्यो मोबाइल मा रिङ्ग्ग्टोन बजिरहेको थियो मैले कल्पना लाइ उठाय l

 कल्पना को घर बाट  फोन आएको रहेछ उनले फोन उठाइनन .   कल्पना लाइ मा एकनास ले हेरिरहेको थिय  हिजो को दिन मा भन्दा आज उनलाई मैले अर्कै रुप मा देखिरहेको थिय  बेला बेला उनका आखा म पट्टि फर्किदा हाम्रा आखा हरुजुदिरहन्थे  सब्द बिना नै हाम्रो गुफ हुन थाल्यो   भने मेरो मुटु डर बाट मुक्त भयो मैले जुनसुकै मूल्य मा पनि कल्पना लाइ  स्वीकार्ने   निधो गरे  अब फेरी म काले को ग्यान्ग्ग छोडेर आफ्नै संसार बसाल्ने अठोट का साथ् फेरी पनि यो बत्ति नै बत्ति को अन्धकार सहरमा रुमल्लिन थाले ... कल्पना  क्याम्पस आउने बहाना मा सधै मेरो कोठा मा आउने गर्थिन मैले क्याम्पस  जान छोडेको हुनाले उनीपनि  क्याम्पस को समय मेरो कोठा मा नै बिताउने गर्थिन .कल्पना र मेरो सम्बनध येसरी नै अगाडी बढिरहेको थियो ....... अकस्मात एकदिन कल्पना ले बेलुकी ५ बजे तिर फोन गरिन  मा काम मा नै बेस्ट थिय ओहो  २ ०  चोटी भन्दा बढी फोन आइसकेको रहेछ काम को बेस्ताताले मैले फोनको घन्टी बजेको पत्तै पाइनछु हत्त न पत्त उनको फोन उठाय उनको आवाज डराएको थियो अनि स्वोर अस्पस्ट थियो  उनले मा सग कुरा लुकाएको भान     भैरहेको थियो  बेलुकी भेट्ने बाचा का साथ  मैले फोन राखे  . बेलुकी छिटो छिटो  उनले दिएका ठाउ मा गए उदास मुद्रा मा उनि तेहा प्रस्तुत भएकी रहिचिन मलाइ देखने बित्तिकै रुन थालिन  ............................ 

घर बाट उनको बिहेको कुरो चलेको रहेछ यो महिना भित्र केटा हरु हेर्न आउदैछन रे अस्पस्ट आवाज मा उनले मलाइ जानकारी दियिन  विभिन्न आस्वासन दिएर मैले उनलाई तेहा बाट बिदा दिय .....भोलिपल्ट बिहानै म  कल्पना को घर गय मैले कल्पना को आमा बाबु सग कल्पना र मेरो प्रेम सम्बन्ध रहेको अनि हामि एक अर्का लाइ प्रेम गर्छौ   मेरा सब्द हरु भुइमा झरना नपाउदै कड्के स्वर  मा गज्रिदै कल्पना का  बुबा ले मेरो आर्थिक स्तिथि माथि प्रस्न तेर्स्याउनु भयो "प्रेम ले भोक भरिदैन येत्रो अईयासिमा हुर्केकी मेरी छोरि त्यो झुपडी मा बस्न सक्दिन " येस्तै येस्तै सब्द हरु ले उहाले मलाइ प्रहार गरिरहनु भयो अनि मा नाजवाफा भएर ति कुरा सुनिराखे 

क्रमस ..........................

https://www.facebook.com/aparichitjeewan

भीमेश्वरमा पसिना आउँदा कहिले के भयो ? (फोटो फिचरसहित)

दोलखा, पुस १ - मन्दिर र देवताहरुको प्राचीन सहर दोलखा बजारको उत्तरमा अवस्थित भीमेश्वरको शीलामा आइतबार अपरान्ह 'पसिना' आएपछि दर्शनार्थीहरुको घुइचो लाग्यो ।

शीलाको चारैतिरबाट पानीका थोपाहरु निस्कदै झर्दै गरेपछि परम्परा अनुसार मन्दिरका घण्टाहरु बजाउन थालियो भने दोलखाका नेवार समुदायले विभिन्न पर्वमा बजाइने बाजाहरु बजाउन थालियो । पानीको थोपा आउने र झर्ने अवस्थालाई 'पसिना आएको' ठानेर शीलालाई चम्मरले हम्कदै कपासका टुक्राले पसिना पुछ्न थालियो । मन्दिरका पुजारी काशिनारायण श्रेष्ठले राजपुजा सक्ने वित्तिकै करिब साढे तीन बजे शीलाको रंग फुस्रो भएर चिल्लो कालो हुदै पसिना आएको दृष्य देखेपछि कपासले पुछिदिन थाले । उक्त प्रकृया करिब ५ बजेसम्म भैरहदा हजारौ दर्शनार्थीले मन्दिरको दर्शन गरे । 

देशमा अनिष्ट वा परिवर्तनका पूर्व संकेतस्वरुप पसिना आउने विश्वास राख्ने स्थानीयले पसिना पुछिएको कपासलाई राजाको शासनका बेला राजदरबार र प्रजातन्त्र प्राप्तिपछि राष्ट्र प्रमुखहरुलाई पठाउने गरेका छन् । '२०६४ मा पसिना आउदा प्रधानमन्त्री गिरीजाप्रसाद कोइराला पठाइएको र यसपाला राष्ट्रपतिलाई पठाउने निधो भयो,' स्थानीय टिकानारायण प्रधानले बताए । स्थानीय भगवानदाश श्रेष्ठका अनुसार पसिना आएपछि तत्कालीन राजदरबारको चासो हुन्थ्यो र कपास प्राप्त भएपछि 'क्षेमापूजा' गर्नका लागि खर्च पठाउने चलन थियो । पछि पनि जसलाई कपास पठायो उसैले स्थानीय प्रशासनको अगुवाइमा क्षेमा पूजा गरिने चलन छ ।

 दोलखा बजारका धर्म, संस्कृति र इतिहासको अध्ययन गर्दै रहेका शान्तकृष्ण श्रेष्ठका अनुसार करिब १९९० सालदेखि यता भीमेश्वरमा आएको पसिनाबारे जानकारी राखेका छन् । उनका अनुसार जब पसिना आउन थाल्छ, भीमेश्वरको कालो शीला खैरो हुदै जान्छ । त्यसपछि क्रमिक रुपमा शीलाको माथिल्लो भागमा पानीका थोपाहरु देखिदै र्झन थाल्छन् । यो दृष्य प्रकट हुनेवित्तिकै घण्टाहरु बजाएर सर्वसाधरणलाई जानकारी गराइन्छ । घण्टाको आवाज गञ्जनेवित्तिकै मानिसहरु दर्शन गर्न र कपासका टुक्रा लिन घुइचो लाग्छ । यो पटक पनि साझसम्म कपास लिन पर्खेका दर्शनार्थीलाई प्रहरीको साहयताले कपास बाँडिएको थियो । मन्दिरमा भेला भएका दर्शनार्थीले धुप बालेर पसिना नरोकिएसम्म प्रथाना गरिरहे । कतिपयले आफैले ल्याएको घण्टी बजाइरहेका थिए ।

शिलामा पसिना आएपछि पुछिएका कपासलाई साँझ नै प्रतिक्षरत दर्शनार्थीलाई बाँडियो भने बाँकी कपास स्थानीय प्रशासनलाई बुझाइने भीमेश्वर मन्दिर व्यवस्थापन समिति कोषाध्यक्ष भरत श्रेष्ठले बताए । प्रमुख जिल्ला अधिकारी प्रल्हाद पोखरेलले प्राप्त कपासलाई स्थानीयको निर्णय अनुसार राष्ट्रपति कार्यालयमा पठाइने बताए ।

भीमेश्वरमा शीलामा 'पसिना' आएको साल    पसिना आएपछि भएको  घटना

विक्रम सम्बत् १९९० महा भुकम्प

विक्रम सम्बत् १९९७ शहीदलाई फँसी

विक्रम सम्बत् २००७ प्रजातन्त्रका लागि क्रान्ति

विक्रम सम्बत् २०११ राजा त्रिभुवनको मृत्यु

विक्रम सम्बत् २०१५ राजनीतिक उतारचढाव

विक्रम सम्बत् २०१८ भीषण बाढी पहिरो

विक्रम सम्बत् २०२८ राजा महेन्द्रको मृत्यु

विक्रम सम्बत् २०३६ जनमत संग्रह

विक्रम सम्बत् २०४५ भूकम्प र दोलखामा पहिरोको ठूलो घटना

विक्रम सम्बत् २०४६ बहुदल प्राप्ति

विक्रम सम्बत् २०५८ को माघ १ गते र पुष ३ गते दुईपटक राजपरिवार हत्या

विक्रम सम्बत् २०६४ संविधानसभा निर्वाचन

(नोटः अनुसन्धानको पर्खाइमा दोलखा पुस्तक र स्थानीय बुढापाकाहरुको भनाईमा आधारित)

दूतवासका कर्मचारी कुवेतमा पक्राउ

काठमाडौं-  २ पुष, दूतावासका दुई कर्मचारीसहित तीन नेपालीलाई स्थानीय प्रहरीले पक्राउ गरेपछि कुवेतस्थित नेपाली दूतावासले मानहानि भएको भन्दै त्यहाँको सरकारलाई विरोधपत्र बुझाएको छ।

प्रहरीले स्थानीय समयअनुसार शनिबार साँझ ७ बजे नेपाली दूतावासमा स्थानीय कर्मचारीको रूपमा कार्यरत राजु क्षेत्री तथा स्वराज अहमद र क्षेत्रीकी पत्नीलाई पक्राउ गरेको थियो। दूतावासको पहलमा दुवै कर्मचारी रिहा भइसकेका छन् भने क्षेत्रीकी पत्नी प्रहरी नियन्त्रणमै छिन्। कर्मचारी पक्राउ परेको तेस्रो दिनसम्म घटना गुपचुप नै राखिएको थियो।

प्रहरीले बिनाजानकारी कर्मचारी पक्राउ गरेपछि दूतावासले सोमबार कुवेतको विदेश मन्त्रालयलाई विरोधपत्र बुझाएको हो। 'हाम्रो मानहानि भयो भनेर कुवेतको विदेश मन्त्रालयलाई प्रोटेस्ट लेटर (विरोधपत्र) बुझाएका छौं,' कुवेतका लागि नेपाली राजदूत मधुवन पौडेलले टेलिफोनमा नागरिकसँग भने, 'कुवेतको विदेश मन्त्रालयले नहुनुपर्ने भयो भनेर मौखिक रूपमा क्षमयाचना गरेको छ। यसलाई सकेसम्म छिटो कूटनीतिक तहबाट समाधान गर्न हामीले भनेका छौं।'

राजदूत पौडेलले कर्मचारीकी पत्नीको मुद्दा–मामिला भएकाले रिहा गर्न नसकिएको जानकारी दिए। उनलाई मंगलबार रिहा गर्ने सम्भावना भएको पौडेलको भनाइ छ।

राजदूत पौडेलका अनुसार उनी एक ब्युटी पार्लरमा काम गर्थिन्। नेपालबाट '१८ नम्बर भिसा'मा गएकी उनले ब्युटी पार्लरमा काम गरेको तीन वर्ष पूरा भइसकेको थियो। कुवेती कानुनअनुसार १८ नम्बर भिसामा जाने कामदारले तीन वर्षपछि स्वेच्छाले रोजगार तथा मालिक फेर्न पाउँछन्। ती महिलाले पनि अर्को ब्युटी पार्लरबाट राम्रो 'अफर' आएपछि पुरानो ठाउँको काम छाडेकी थिइन्।

कुवेतमा छिर्नेबित्तिकै प्रायः कामदारको राहदानी रोजगारदाता(मालिक)ले लिने गर्छन्। उनीहरूको करार अवधि सकिएपछि मात्र मालिकले राहदानी फिर्ता गर्ने अभ्यास छ। राहदानी फिर्ता नभएसम्म अर्को ठाउँमा काम गर्न पाइँदैन। बिनाराहदानी काम सुरु गरे अवैध हुन्छ। अर्को ठाउँमा जान ती महिलाले मालिकसँग आफ्नो राहदानी फिर्ता मागेकी थिइन्।

धनाढ्य मालिकले राहदानी फिर्ता नगरेपछि गत नोभेम्बरमा उनले त्यहाँको अदालतमा 'राहदानी फिर्ता गराइपाऊँ' भनेर उजुरी दिएकी थिइन्। अदालतले उनको मालिकलाई राहदानीसहित आउन भनिसकेको थियो। यहीबीच मालिकले शनिबार साँझ उनलाई राहदानी लिन बोलाएका थिए। कुवेती कानुनअनुसार बिनाअनुमति कसैको घरमा प्रवेश गर्न पाइँदैन।

राहदानी लिन जाँदा ती महिलाले नेपाली दूतावासमा कार्यरत आफ्ना पति राजु र अर्का कर्मचारी अहमद पनि सँगै लगेकी थिइन्। कम्पाउन्डभित्र छिर्नेबित्तिकै मालिकले प्रहरीको गुप्तचरी निकायमा खबर गरी उनीहरूलाई बुझाइदिए। त्यसपछि क्षेत्री र अहमदले दूतावासमा फोन गरेर जानकारी गराएका थिए। दूतावासका प्रथम सचिव विशाल भट्टराईले प्रहरी स्टेसन पुगेर तीन घन्टापछि क्षेत्री र अहमदलाई रिहा गराएका थिए।

'प्रहरीलाई जबर्जस्ती धकेलेको आरोप क्षेत्री र अहमदमाथि लगाइएको छ,' राजदूत पौडेलले भने, 'कूटनीतिक तहबाट हामी समाधान खोज्दैछौं।' आफ्ना कर्मचारी पक्राउ परेको तेस्रो दिनसम्म कुवेतका सरकारबाट कुनै प्रतिक्रिया नआएपछि दूतावासका कर्मचारी विरोधपत्र लिएर कुवेतको विदेश मन्त्रालय पुगेका थिए।

नेपालमा ६ रेक्टर स्केलको भूकम्प

 

काठमाडौं, भाद्र १५ - काठमाडौंमा शुक्रबार राति ११ बजेर ३३ मिनेटमा भूकम्पको धक्का महसुस भएको छ । करिव पाँच सेकेन्डभित्र दुई पटक जमिन हल्लिएको थियो । पुनः ८ मिनेपछि भूकम्पको धक्का महसुस गरिएको थियो । 

राष्ट्रिय भूकम्प मापन केन्द्रका निर्देशक डा. सोमनाथ सापकोटाका अनुसार ६ रेक्टर स्केलको भूकम्प गएको हो । उनका अनुसार दोलखाको जिरीदेखि ८०–८५ किलोमिटर उत्तर केन्द्रविन्दु भएर भूकम्प गएको हो ।

सापकोटाले चीनको तिब्बतस्थित छोङ्दुई केन्द्र भएर भूकम्प गएको अमेरिकन जिओलोजिकल सेन्टरको 

                                                                            भूकम्पको केन्द्रविन्दू तिब्बतको न्यालम क्षेत्रमा देखिएको छ। 

रिपोर्टलाई अस्वीकार गरे । उनले ४ सय किलो मिटर टाढा केन्द्र हुँदा यति ठूलो धक्का महसुस हुन नसक्ने दाबी गरे । ‘अमेरिकन जिओलोजिकल सेन्टरको कुनै भूकम्प मापन कार्यालय तिब्बत क्षेत्रमा छैन,’ उनले भने, ‘त्यो तथ्य गलत हो ।’

भूकम्पको धक्का काठमाडौंसहित ललितपुर, काभ्रे, नुवाकोटसहितका जिल्लामा पनि महसुस गरिएको छ । 

भूकम्पको धक्का महसुस हुनेवित्तिकै राजधानीमा सर्वसाधारण घर बाहिर निस्किए । पुनः भूकम्प आउने त्रासले राति अबेरसम्म पनि सर्वसाधारण घर बाहिरै हल्लाखल्ला गरेर बसेको देखिएको छ ।

२०६८ साल असोग १ गते ताप्लेजुङ केन्द्र भएर गएको ६ दशमलव ९ रेक्टर स्केलको भूकम्पमा कम्तिमा ६ जनाको ज्यान गएको थियो ।

काठमाडौंको खरीबोटमा भूकम्प आएपछि आत्तिएर घरबाट हामफाल्दा एकजना घाइते भएका छन् ।धनगढी घर भई नयाँ बानेश्वरको ठूलो खरिबोट नजिक बस्दै आएका संजिव भट्टराई छतबाट हाम फाल्दा घाइते भएको महानगरी प्रहरी आयुक्तको कार्यालयका प्रवक्ता एसएसपी हेमन्त पालले बताए । उनले यस बाहेक उपत्यकामा कुनै धनजनको क्षति भएको रिपोर्ट नआएको जानकारी दिए ।

छुट्टै एन आर एन गठनकालागि गोप्य बैठक, २५ देशमा अलग्गै गठन हुने

गैह्र आवाशिय नेपाली संघ (एन आर एन ए) अब विश्वब्यापि रुपमै फुट्ने निश्चित जस्तै बनेको छ । अब छुट्टै एन आर एन गठन हुँदै छ । त्यसको लागि केहि गोप्य बैठक भएका छन् । बैठकहरु स्काईपमा गरिएको छ । एन आर एनको अन्तर्राष्ट्रिय सम्मेलन यहि अक्टोबर महिनामा काठमाडौंमा हुन लाग्दा छुट्टै एन आर एन गठनकालागिपनि तिब्र भएको हो । खासगरि बर्तमान एन आर एन ले बिदेशका नेपालीको हक र हितलाई सुरक्षित गर्न नसकेको । आर्थिक अनियमितता गरेको । बिदेशका नेपालीको हकलाई भन्दा राजनितिलाइ बढि प्राथमिकता दिएको । आदिबासी जनजाति, अछुत, मधेशी र अन्य पछाडी परेका वर्ग, महिलाहरुलाई बेवास्ता गरेकाले त्यसलाई टक्कार दिँदै अर्को एन आर एन गठन गर्न लागिएको हो ।

छुट्टै एन आर एन गठनकलागि अस्ति बुधाबारपनि स्काईप बैठक बसेको थियो । त्यसमा करिब २५ जना सहभागि थिए । पहिले एन आर एन अन्तर्राष्ट्रिय समिति गठन गरिहाल्ने कि रष्ट्रिय एन आर एन हरु (देश देशका एन आर एन कमिटी) गठन गर्ने भन्ने बैठकमा छलफलहरु भएका छन् । तर्कहरु बिभिन्न तरिकाले गरिएको छ । केहिले अन्तर्राष्ट्रिय कमिटी गठन गरेर राष्ट्रिय कमिटीहरु गठन गर्नुपर्ने तर्क गरेका छन् भने केहिले जुन जुन देशमा एन आर एनको समस्या बढि देखिएको छ, अलग्गै एन आर एनको अलगि तयार देखिएका छन् त्यहाँ तत्कालै गठन गर्ने र फैलाउँदै लगेर पछि अन्तर्राष्ट्रिय कमिटि गठन गर्नुपर्ने तर्क गरेका छन् । 

अहिलेसमम भएको छलफलमा नाम यहि राख्ने भन्ने टुंगो लागेको छैन । फरक फरक सहभागिले नामका विषयमा अनेक प्रस्ताब गरेका छन् । तर भेलामा जुन जुन देशमा संभव छ तत्कालै अलग्गै एन आर एन गठन गर्नुपर्ने विषयमा अधिकांश सहभागि सहमत देखिएका छन् । अब जर्मनी, बेलायत, अष्ट्रेलिया, पोर्चुगल, बेल्जियम, ईटाली, स्पेन, अमेरिका, जापान लगायतका देशमा तत्कालै गठन गर्ने बताइएको छ । बेलायत, पोर्चुगल, बेल्जियम, कोरिया, कतार, जर्मनीमा भित्रि रुपमा समिति गठन भैसकेको छ । बेलायतमा महेन्द्र कँडेलको नेत्रित्वमा समाबेशी एन आर एन गथन गरेर तयार पारिएको छ । जर्मनीमा त्यहि अवस्था छ । जर्मनीको त झन बिभिन्न शहरमै एन अर एनका प्रतिनिधी चानिसकिएको छ र केहि ठाउँमा नामहरु संकलन हुँदै छ । अहिले तत्कालै २५ देशमा गठन गर्न संभव भएको आँकलन गरिएको छ । 

यसरि हुँदै छ नेत्रित्व

सहभागिहरुले नेत्रित्वमा मारापिट, तानातान र समाबेशी नगराउनुनै अहिलेको बिबादको एक मुख्य कारण रहेको मूल्यांकन गरेका छन् । त्यसैले नयाँ एन आर एनको नेत्रित्व र कार्य समितिलाई समाबेशी बनाउनुपर्ने चर्को आवाज उठेको छ । त्यसैमा ग्रिहकार्य गरिने भेलामा सहभागिले नेपालप्लसलाई बताएका छन् । उनीहरुले जर्मनी र बेलायतबाट समाबेशी सामनान्तर एन आर एन गठन हुने बताएका छन् । त्यो समाबेशी एन आर एनको ढाँचा यस्तो हुने छ ।

पहिलो कार्यकाल

अध्यक्ष : जनजातीबाट

उपाध्यक्ष : दलितबाट

महासचिब : बाहुन-क्षेत्रिबाट

दोश्रो कार्यकाल

अध्यक्ष : बाहुन-क्षेत्रिबाट

उपाध्यक्ष : जनजातीबाट

महासचिब : दलितबाट

तेश्रो कार्यकाल

अध्यक्ष : दलितबाट

उपाध्यक्ष : बाहुन-क्षेत्रिबाट

महासचिब : जनजातीबाट

बिदेशमा मधेशीहरुको उपस्थिति न्यून रहेको अवस्था भएपनि सकेसम्म मधेशी लगायत अल्प-संख्यकहरुको समावेशितालाई मध्य-नजरमा राखिने छ । सकेसम्म सबै जातजाति, समूदाय र महिलाबाट प्रतिनिधित्व गराइने छ । राजनितिक दलमा लागेपनि स्पष्ठ, ईमान्दार र कसैको पक्ष बिपक्षमा नलागेकाले पछादि परेका, हेपिएका, कारवाही गरिएका सक्षमलाई कुनै न कुनै भूमिकामा ल्याएर सम्मानितसाथ राख्ने योजनापनि बनाएका छन् । अहिले कतिपय देशका एन आर एनमा ब्यापक भ्रस्टाचार, अनियमितता र पारदर्शी काम भएकाले त्यसलाई कडाईकासाथ पारदर्शी गरिने बताइएको छ ।

तर समाबेशी समूहमा सकेसम्म अक्टोबरमा हुने एन आर एन अन्तर्राष्ट्रिय सम्मेलनमापनि आफ्नो तर्फबाट बलियो उमेदवारि दिएर बिजयीहुनुपर्छ भन्ने तर्क गर्नेपनि छन् । केहिले त्यहि दिन समाबेशी समूहको अर्को एन आर एन गठन गर्नुपर्छ पनि भनेका छन् । केहिले भने अहिलेनै तत्कालै अन्तर्राष्ट्रिय कमिटि गठन गरेर राष्ट्रिय समितिहरु गठन गरि अक्टोबरमै भेला गर्नुपर्ने तर्क गर्नेहरुपनि छन् ।  तर न्युनतम सहमती केमा छ भने अहिले संभव भएका अकरिब २५ देशमा तत्कालै नयाँ गठन गर्ने । तिनको भेला गरिहाल्ने । नयाँ समितिले एन आर एनको अर्कमण्ड्यताकै कारण एन आर एन दर्ता हुन नसकेको भन्दै नयाँ एन आर एनलाई छिटो दर्ता दर्ता गरेर आधिकारिता लिनुपर्ने आवाज पनि उठेको छ । 

नेत्रित्व कसले गर्ने ?

नयाँ अन्तर्राष्ट्रिय समितिको नेत्रित्वमा धेरैले एन आर एन प्रमुख संरक्षक देवमान हिराचनलाई प्रस्ताव गर्नुपर्ने बताएका छन् । हिराचनलाई मनाउन सकिने धेरैको तर्क छ । यदि हिराचनले नमानेमा केहिले टेण्डि शेर्पालाई उठौअनु पर्ने तर्क गरेका छन् । त्यो नभए अन्य बिकल्प खोज्ने भनिएको छ 

श्रोत :नेपालप्लस डट कम