मलेसियाको नयाँ तलब नीति प्रबासी नेपालीहरुको लागि माछो-माछो भ्यागुतो

भीमसेन चौलागाईं, 

मलेसिया,  सबैको चाहना अनि आशा अनुरुप मलेसियाको सरकारी तबरबाट विश्व मजदुरदिवसको अवसर पारेर घोषित न्यूनतम राष्ट्रिय पारिश्रमिकसम्बन्धी नीति जनवरीबाट कडाईका साथ लागू लागुहुदै छ। घोषणा गरिएअनुसार कामदारका लागि मासिक न्यूनतम पारिश्रमिक नौसय रिंगिट(३ सय अमेरिकी डलर) तोकिएको छ । पक्कैपनि यो पारिश्रमिक पहिलाको भन्दा धेरै हो तर के बास्तवमै यसबाट नेपाली कामदारहरु लाभान्वित हुन्छन त ?? धेरै कम्पनीहरुले भने बमोजिमका सर्तहरु पूरा गर्दा कामदार आफुले पाउनुपर्ने सुबिधाबाट भने बन्चित हुने भएका छन्। जस्तै: होस्टेल,पानी र बिजुलिको महसुल कामदारको तलबबाटनै काटिने संकेत धरै कम्पनीहरुले गरिसकेका छन् । हिजोका दिनमा RM : ४८१ मासिक पारिश्रमिक हुँदा २ शिफ्टमा कम लगाएर दिनको ४/५ घण्टा ओभरटाइम दिने कम्पनीहरु अहिले धेरै कामदार राखेर ३ शिफ्ट चलाउने तयारी गर्दैछन्। यसो हुँदा ओभर टाइम हुदैन र कामदारहरुले बेसिक तलबमै चित बुझाउनुपर्ने हुन्छ। 

केहि इन्टरनेसनल कम्पनीहरुले भने गत जुलाईबाटनै नयाँ तलब कामदारहरुलाई दिन थालिसकेका छन् तर यस्ता कम्पनीहरु सिमित मात्रामा छन् , धेरैजसो कम्पनीहरु जसरि भएपनी झुलाउने भुलाउने तेत्ती गर्दा पनि नभए बिभिन्न बहानामा कामदारबाट नै पैसा असुल्ने दाउमा रहेका छन् नेपाली मेनपावर एजेन्सीहरुले पनि मलेसियाको तलब नितिलाई आधार मानेर कामदारहरुबाट पैसाको खोलो नै बगाउन थालिसकेका छन् । यता मलेसियाको महङ्गाइ पनि बढ्ने निश्चित छ । यसकारण कम्पनीहरुले कस्तो नीति बनाएका छन् अनि नयाँ तलब नीति कार्यान्वयन गरिएको छ/छैन र कामदारले पाउनुपर्ने सुविधा पाएको छ/छैन भनेर मलेशिया सरकार, नेपाली दुताबास, मजदुर संगगठन र सामाजिक संघ-संस्थाहरुले अनुगमन गरेर सेवा सुविधा नदिने कम्पनीलाई कालोसुचिमा राख्ने हो भने मात्रै कामदारहरुले राहत पाउने देखिन्छ अन्यथा मलेसियाको नयाँ तलब नीति प्रबासी नेपालीहरुको लागी माछो माछो भ्यागुतो साबित हुनेछ ।