नातिबाबु भट्ट
कोलोराडो, अमेरीका मार्च १०माहा शिवरात्रीको अबसरमा कोलोराडोको ब्राईटन स्थित सनातन मंन्दिरमा शिबजीको बिशेष पूजा आजा तथा भजन क्रिर्तन गरी धुमधामका साथ सम्पन्न गरियो ।
कार्यक्रममा हिन्दु धर्म प्रति आस्था तथा भक्तिभाव राख्ने, नेपाली, ईन्डियन, बंगलादेशी, बर्मेली तथा भुटानी नागरीकहरुको उल्लेख्य उपस्थिती रहेको थियो । यूवा यूवती हुन वा बृद्ध बृद्धा,बाल बालिका हुन वा अधवैसे सबै उमेरका मानिसहरुले सनातन मंन्दिरको प्राङ्गण दिउंसो १ बजे देखी राती ९ बजे सम्म खचाखच भरिएको थियो ।पंडित जिवन बरालको सुरिलो कंठबाट उद्धघोषीत शिव स्तुती तथा भजनको तालमा उपस्थित सबै भक्तनजहरु ताली पडकाई पडकाई पंडितको स्वरमा स्वर थपेका थिए । नेपाली तथा हिन्दी भाषी भक्तजनहरु भएका कारण पंडित बरालले भक्तजनहरुलाई हिन्दीमा संम्बोधन गरेका थिए । हिउंले चिस्याएको ब्राईटन सहरलाई आज पंडित र भक्तजनहरुको शिव स्तुतीले तताएको महसुुस हुन्थ्यो ।
मंन्दिरमा उपस्थित श्रद्धालु भक्तजनहरुलाई आङ्खनो ईच्छा अनुसार बिशेष पुजा तथा दान गर्न पाउने ब्याबस्था समेत गरिएको थियो । सोही अनुसार ७ परिवारले माहारुद्र अभिषेष, २६ परिवारले निराजन आरती पुजा गरेका थिए । त्यसै गरी ५ परिवारले मंन्दिरमा उपस्थित श्रद्धालु भक्तजनहरुलाई प्रसाद उपलब्ध गराउन सहयोग गरेका थिए । ब्राईटन सहरको बिचमा रहेको सनातन मंन्दिरको परिसर पुग्दा आज आफु कतै काठमाण्डौ स्थित पशुपती मंन्दिरको प्राङ्गणमात छैन भन्ने भान हुन्थ्यो । मंन्दिरमा उपस्थित भक्तजनहरुले बिशेष पुजा लगाउन तथा भक्तजनहरुलाई प्रसाद उपलब्ध गराउन सहयोग गर्नु भएको रकम सबै मन्दिरको कोषमा जाने पंडित जिवन बरालले बताए ।
त्यसैगरी आजै कोलोराडोको नेदरल्याड स्थित शिव मंन्दिरमा पनि श्रद्धालु भक्तजनहरु बिहानै देखी उपस्थित भएर दिनभरीनै पुजा आजा,तथा भजन किर्तन गरी माहा शीवरात्री मनाएको स्थानीय बासिन्दाहरुले बताएका छन् ।
No comments:
Post a Comment