मलेसिया आएको दुई महिनामै नेपाल फिर्ता

भुपेन्द्र वोहरा

२५ चैत, काजाङ । रोजगारीको लागि मलेसिया आएका एक युवा दुई महिनामै नेपाल फर्किएका छन । नेपालमा एक पटक मेडिकल गर्दा अस्वस्थ देखिएका आलमदेवि ३ स्याङजा घर भएका भविश्वर थापा पुन मेडिकल गर्दा सफल भएको देखिएपछि एकलाख २५ हजार रुपैयाँ वुझाएर मलेसिया आएका थिए ।

मलेसियाको काजाङमा सिमोनियामा रहेको ओवा इलेक्ट्रोनिकमा आएका थापाले मलेसियामा मेडिकल गर्नासाथ टिवि रोग देखा परेको थियो । उनले नेपालको मेनपावरलाई पनि आफुमा रोग रहेको वताएका थिए तर मेडिकल गर्दा ठिक देखिएपछि उनी आएका हुन ।

नेपालमा गएर आफु कानुनी लडाई लड्ने उनले वताए । आफुलाई वेसिक नौ सय रिँगेट तलव हुन्छ भनेर मलेसिया पठाएको थापाले वताए । उनी गत विहिवारमात्रै नेपाल फर्किएका छन ।